अमेरिका पठाइदिने भन्दै ६ लाख ३० हजार ठगी गर्ने महिला पक्राउ

काठमाडौँ । काठमाडौं उपत्यका अपराध अनुसन्धान कार्यालयले वैदेशिक रोजगारीको प्रलोभन देखाई ठगी गर्ने एक जना महिलालाई लाई पक्राउ गरेको जनाएको छ ।

अमेरिका पठाइदिने भन्दै बेरोजगार युवालाई आकर्षक तलबको प्रलोभनमा पारेर रकम असुली गरेको आरोपमा प्रहरीले ३८ वर्षिय चन्द्रकला सापकोटा (दाहाल)लाई पक्राउ गरेको हो । उनले पीडितबाट ६ लाख ३० हजार ठगी गरेको प्रहरीले जनाएको छ ।

झापा जिल्ला अर्जुनधारा नगरपालिका–११ स्थायी घर भई हाल ललितपुर महानगरपालिका–८ बस्दै आएकी सापकोटालाई थप अनुसन्धान तथा आवश्यक कारबाहीका लागि वैदेशिक रोजगार विभाग, ताहाचल पठाइएको प्रहरीले जानकारी दिएको छ ।