कानून व्यवसायी महिलाहरूको ३२औं राष्ट्रिय सम्मेलन चैत ६ र ७ मा, कार्यपत्र आह्वान

फाइल फोटो ।

काठमाडौँ । नेपालका कानून व्यवसायी महिलाहरूको ३२ औं राष्ट्रिय सम्मेलन आउँदो चैत ६ र ७ गते आयोजना गर्न लागिएको छ । नेपाल बार एशोसिएशनले भक्तपुरमा सम्मेलन आयोजना गर्ने भएको हो ।

‘महिलाको समानुपातिक समावेशीता परिवर्तित र न्यायपूर्ण समाजको सुनिश्चितता’ मूल नारा रहने सम्मेलन निम्ति बारले सबै बार एशोसिएशन र कानून व्यवसायी महिला समितिहरूलाई पत्राचार गरेको छ ।

सम्मेलनमा संवैधानिक, देवानी, फौजदारी, वाणिज्य/कर्पोरेट, न्यायमा पहुँच, व्यवसायिक पेशागत हक हित र कार्यविधि कानून गरी विभिन्न सात विषयका कार्यपत्रमाथि छलफल गरिने बारले जानकारी दिएको छ । सम्मेलनमा छलफल हुने उल्लेखित विषयका कार्यपत्र लेखन निम्ति बारले आह्वान गरेको छ ।

सम्मलेन व्यवस्थापन गर्न बारले एशोसिएशनहरूलाई महिला कानून व्यवसायीहरूको संख्या तथा सम्पर्क नम्बर सहितको विवरण २०८२ फागुन मसान्तभित्र अनिवार्य रूपमा उपलब्ध गराउन भनेको छ ।

सम्मेलनमा सहभागी हुन पाँच वर्षसम्मका (नवोदित) कानून व्यवसायीहरूलाई एक हजार, १० वर्षसम्मका कानून व्यवसायीलाई १५ सय, २० वर्षसम्मकालाई दुई हजार र २० वर्षभन्दा माथिका कानून व्यवसायीलाई २५ सय रुपैयाँ सहभागिता रजिष्ट्रेशन शुल्क तोकिएको छ ।

वरिष्ठ अधिवक्ताहरूले तीन हजार रुपैयाँ शुल्क बुझाउनुपर्ने बारका महासचिव वरिष्ठ अधिवक्ता केदारप्रसाद कोइरालाले जानकारी दिएका छन् ।

सम्मेलनबारे बारको पत्राचार :