दुर्गा प्रसाईंको बन्दी प्रत्यक्षीकरण निवेदन सर्वोच्चको पेसीमा

काठमाडाैं । मेडिकल व्यवसायी दुर्गा प्रसाईंको बन्दी प्रत्यक्षीकरण निवेदन सर्वोच्च अदालतको सुनुवाइ सूचिमा परेको छ। न्यायाधीश मेघराज पोखरेलको एकल इजलासले पेसी तय भएकाे सर्वाेच्चले जनाएकाे छ। पेसी ताेकिएसँगै मुद्दाकाे सुनुवाइ समेत सकिएकाे छ भने आदेश आउन बाँकी रहेकाे छ ।प्रसाईंलाई सार्वजनिक शान्ति र सुरक्षामा असर पुग्ने व्यवहार गर्दै आएको आरोपमा प्रहरीले नियन्त्रणमा लिएको हो। आन्दोलनको घोषणा गर्दै उत्तेजनापूर्ण अभिव्यक्ति दिएको र त्यसले हिंसात्मक स्थिति निम्त्याउन सक्ने निष्कर्षपछि गत मंसिर १ गते उनी भक्तपुरको ठिमीस्थित नीजि निवासबाट पक्राउ परेका थिए।

प्रसाईंले मंसिर आगामी मंसिर ७ गते देखि देशभरका सेवा–सुविधा ठप्प पार्नेगरी आन्दोलन चलाउने वक्तव्य सार्वजनिक गर्दै आएका थिए। सोसँगै देशको प्रतिष्ठा जोडिएको एनपीएल रोकिने गरी क्यानका अधिकारीसमक्ष चेतावनीपूर्ण सन्देश दिएकाे अडियोसमेत बाहिरिएको थियो।