चुनाव प्रयोजनका लागि दल दर्ता आह्वान

काठमाडौं । निर्वाचन आयोगले आगामी फागुन २१ मा हुने प्रतिनिधिसभा निर्वाचनको प्रयोजनका लागि दल दर्ता आह्वान गरेको छ । शुक्रबार एक सूचना जारी गर्दै आयोगले मंसिर १ देखि १० गतेसम्म चुनावमा भाग लिने दलहरुले दल दर्ता गरिसक्नुपर्ने समय सीमा तोकेको छ ।

चुनावमा भाग लिन चाहने दलहरुले वार्षिक लेखा परीक्षणको प्रतिवेदन लगायतका कागजात पेश गर्नुपर्ने आयोगले भनेको छ ।

त्यसैगरी दुई वा दुई भन्दा बढी दलले एउटै चुनाव चिन्ह प्रयोग गरेर निर्वाचनमा भाग लिन चाहेमा सो विषय पनि खुलाउनुपर्ने भनिएको छ ।

निर्वाचन आयोगले प्रतिनिधिसभाका साथै आगामी माघ १ गते हुने राष्ट्रियसभा निर्वाचनको प्रयोजनका लागि समेत दल दर्ताको निवेदन दिन सूचना जारी गरेको छ ।

हेर्नुहोस् प्रतिनिधिसभा निर्वाचन प्रयोजनका लागि दल दर्तासम्बन्धी सूचना–