टिकटकर तुलसा अधिकारीविरुद्ध तीन कसुरमा अनुसन्धान सुरु

काठमाडौँ । नेपालका टिकटक प्रयोगकर्तामाझ चर्चित तुलसा अधिकारीविरुद्ध नेपाल प्रहरीले तीन छुट्टाछुट्टै कसुरमा अनुसन्धान अघि बढाएको छ ।

तुल्सा कलेक्सन र तुल्सा ज्वेलरी डिजाइनर लगायत टिकटक खाताबाट गहना लगायतको प्रचार र बिक्री गर्ने गरेकी अधिकारीविरुद्ध प्रहरीले ठगी, आपराधिक विश्वासघात र सम्पत्ति शुद्धीकरणको कसुरमा अनुसन्धान अघि बढाएको हो ।

प्रहरीका अनुसारस अधिकारीविरुद्ध गएको साउनमा प्रहरी वृत्त सातदोबाटोमा ठगी र आपराधिक विश्वासघातको कसुरमा उजुरी परेको थियो । अधिकारीले टिकटिकबाट ब्ल्याकमेलिङ भन्दै ललितपुरको सातदोबाटोस्थित एक अटोमोबाइल्स (सवारीसाधन किनबेच गर्ने) व्यवसायीले प्रहरीमा उजुरी दिएका थिए ।

उक्त उजुरीलाई लिएर अनुसन्धान गर्दा अधिकारीको खातामा ठूलो रकम कारोबार भएको भेटिएको थियो ।

प्रायः चीनमै रहने गरेकी अधिकारीको बैङ्क खातामा स्रोत खुल्न नसकेको करोडौँ रकम कारोबार भएको भेटिएपछि सम्पत्ति शुद्धीकरण कसुरमा पनि अनुसन्धान अघि बढाइएको प्रहरीले जानकारी दिएको छ ।