जक अभियोगमा थुनामा रहेका पूर्वप्रदेश प्रमुखको मुद्दामा मिसिल झिकाउने आदेश

काठमाडाैं । जबर्जस्ती करणीसम्बन्धी अभियोगमा थुनामा रहेका मधेस प्रदेशका पूर्व प्रदेश प्रमुख राजेश अहिराजको मुद्दामा सर्वोच्च अदालतले मिसिल झिकाउने आदेश दिएको छ।

शुक्रबार न्यायाधीशद्वय कुमार रेग्मी र श्रीकान्त पौडेलको इजलासले अहिराजले दफा ७३ बमोजिम दर्ता गरेको थुनामुक्ति सम्बन्धी निवेदनमा प्रारम्भिक सुनुवाइ गर्दै मिसिल झिकाउन आदेश गरेको हो।

अहिराजलाई गत साउन १४ गते काठमाडौं जिल्ला अदालतले पुर्पक्षका लागि थुनामा राख्ने आदेश दिएपछि उनी डिल्लीबजार कारागारमा छन्। जिल्ला अदालतको उक्त आदेशविरुद्ध उनी उच्च अदालत पाटन पुगेका थिए।

उच्च अदालत पाटनका मुख्य न्यायाधीश लालबहादुर कुँवर र न्यायाधीश खडानन्द तिवारीको संयुक्त इजलासले  गत भदौ १२ गते जिल्ला अदालतको आदेश कायम राख्दै पुर्पक्ष थुनाको फैसला सदर गरेको थियो। उक्त निर्णयविरुद्ध अहिराज सर्वोच्च अदालत पुगेका हुन्। अब मिसिल आएपछि सर्वोच्चमा उनकाे थुनामुक्ति निवेदनबारे थप सुनुवाइ अघि बढ्नेछ।