शंकर अग्रवालका छोरा सुलभ पनि सम्पत्ति शुद्धीकरण विभागको नियन्त्रणमा

काठमाडौँ । शंकर ग्रुपका सञ्चालक शंकरलाल अग्रवालका छोरा सुलभ अग्रवाललाई पनि सम्पत्ति शुद्धीकरण अनुसन्धान विभागले नियन्त्रणमा लिएको छ ।

शंकर ग्रुपका सञ्चालक शंकर अग्रवाललाई विभागले गत शुक्रवार साँझ नियन्त्रणमा लिएको थियो । उनलाई नियन्त्रणमा लिएसँगै उनका छोरा सुलभलाई पनि बयानका लागि नियन्त्रणमा लिइएको विभागले जानकारी दिएको छ ।

विभागले बयानका लागि बाेलाएपछि सुलभ आफै शुद्धीकरण अनुसन्धान विभाग पुगेका हुन् । हाल उनलाई नियन्त्रणमा लिएर बयान लिने काम भइरहेकाे विभागका महानिर्देशक गजेन्द्र ठाकुरले  जानकारी दिए ।

यसैवीच वयान लिइसकेपछि आइतबार दिउँसो श‌ंकरलाल अग्रवाल रिहा भएका छन् ।