सम्पत्ति शुद्धीकरण : दीपक भट्ट र सुलभ अग्रवालको हिरासत १२ दिन थप

काठमाडौं। विशेष अदालतले सम्पत्ति शुद्धीकरणको आरोप लागेका व्यवसायी दीपक भट्ट र सुलभ अग्रवाललाई थप १२ दिन हिरासतमा राख्न अनुमति दिएको छ ।

विशेष अदालतका न्यायाधीशहरू हेमन्त रावल, डिल्लीरत्न श्रेष्ठ र विदुर कोइरालाको इजलासले बुधबार उक्त आदेश दिएको हो ।

अदालतको आदेशअनुसार दीपक भट्टको हकमा यो पाँचौं पटक र सुलभ अग्रवालको हकमा छैटौं पटक म्याद थप भएको छ ।

सम्पत्ति शुद्धीकरण अनुसन्धान विभागले दीपक भट्टलाई चैत १९ गते र सुलभ शंकर ग्रुपका सञ्चालक सुलभ अग्रवाललाई चैत २२ गते पक्राउ गरेको थियो ।

दुवैलाई सम्पत्ति शुद्धीकरण (मनि लाउण्डरिङ) को कसुरमा नेपाल प्रहरीको केन्द्रीय अनुसन्धान ब्यूरो (सीआईबी)को समन्वयमा पक्राउ गरिएको थियो ।

अदालतले अब थप १२ दिन अनुसन्धानका लागि हिरासतमा राख्न अनुमति दिएको छ ।