बार काउन्सिलमा वकीलको आत्ममूल्यांकन (फोटो फिचर)

काठमाडौँ । कानून व्यवसायी (वकील) हरुलाई अधिवक्ताको प्रमाणपत्र प्रदान गर्ने तथा नियमन गर्ने निकाय नेपाल कानून व्यवसायी परिषद (बार काउन्सिल) स्थापना भएको ३३ वर्ष पूरा भएको छ । यस अवसरमा बुधबार साँझ प्रधानन्यायाधीश डा. मनोज कुमार शर्माको उपस्थितिमा बबरमहलमा बार काउन्सिलले एक कार्यक्रमको आयोजना गर्‍यो ।

‘नेपाल कानून व्यवसायी परिषदको ३३ औं स्थापना दिवस तथा आत्ममूल्यांकन दिवस’मा विशिष्ट अतिथिका रुपमा काूननमन्त्री सोविता गौतमसमेत सहभागी थिइन् ।

कार्यक्रममा बार काउन्सिलका अध्यक्षसमेत रहेका महान्यायाधिवक्ता नारायणदत्त कँडेल र काउन्सिलका उपाध्यक्ष एवं नेपाल बारका एशोसिएसनका अध्यक्ष प्राडा विजयप्रसाद मिश्रले समेत मन्तव्य व्यक्त गरेका थिए । बरिष्ठतम् अधिवक्ता कृष्णप्रसाद भण्डारीले पनि कार्यक्रममा सम्वोधन गरेका थिए ।

सयौं कानून व्यवसायीहरुका साथै न्यायाधीशहरुको समेत उपस्थिति रहेको कार्यक्रममा ५० वर्ष वकालत गरेका बरिष्ठ कानून व्यवसायीलाई सम्मानित गरिएको थियो । त्यस्तै, उत्कृष्ठ नतिजा ल्याएर अधिवक्ताको परीक्षा उतीर्ण भएका नवोदित कानून व्यवसायीहरुलाई पनि सम्मान गरिएको थियो ।

कार्यक्रममा बोल्ने वक्ताहरुले आत्ममूल्यांकन दिवसका अवसरमा कानून व्यवसायीहरुले स्वच्छ र मर्यादित भूमिका खेल्नुपर्नेमा जोड दिएका थिए ।

यो पनि- यी हुन् नयाँ पुस्ताका २६ ‘ट्यालेन्ट’ वकील (नामावलीसहित)

‘नेपाल कानून व्यवसायी परिषदको ३३ औं स्थापना दिवस तथा आत्ममूल्यांकन दिवस’का केही झलक हेरौँ–