हाम्रो बारे

जस जेपाल डटकम विधिशास्त्र एवं कानूनसम्बन्धी सामग्रीहरुको उत्पादन र प्रकाशन गर्ने डिजिटल लिगल जर्नल हो ।

कानूनत: सूचना विभागलगायत नेपाल सरकारका सम्बन्धित निकायहरुमा विधिवत् दर्ता भई सञ्चालन गरिएको यो अनलाइन पत्रिका लिगल बिटमा केन्द्रित रहने छ । तथापि, हाम्रो मुख्य उद्देश्य दैनिक घटनाहरुको सूचना पस्कनु मात्र होइन । हामी न्याय क्षेत्रसँग सम्बन्धित प्रश्नहरुको विश्लेषण र संश्लेषणमा केन्द्रित रहने छौं । विधिशास्त्रले परिभाषित गरेको ”न्यायिक इकोसिस्टम” भित्र पर्ने संस्थाहरु हाम्रा मुख्य सरोकारका क्षेत्र हुन् ।

सार्वभौम सत्ता, लोकतन्त्र, सामाजिक न्याय, संविधानको सर्वोच्चता, न्यायपूर्ण कानूनको शासन, न्यायालयको स्वतन्त्रता, नागरिकको मौलिक हक, अभिव्यक्ति स्वतन्त्रता, प्रेस स्वतन्त्रता र  पत्रकार आचार संहिताप्रति हाम्रो प्रतिवद्ता रहने छ । पारदर्शिता हाम्रो गन्तव्य हुनेछ । विधि र कानूनको परिपालना गर्ने शान्तिपूर्ण समाज निर्माण हाम्रो सामाजिक जवाफदेहिता रहनेछ ।