बहुविवाह मुद्दामा दोषी ठहर एमाले नेता शेर्पा जरिवाना बुझाएर रिहा

काठमाडाैं । बहुविवाह प्रकरणमा दोषी ठहर भएका नेकपा एमालेका केन्द्रीय सदस्य पासाङ शेर्पा डिल्लीबजार कारागारबाट मुक्त भएका छन्।

काठमाडौं जिल्ला अदालतका न्यायाधीश आनन्दप्रसाद श्रेष्ठको आदेशअनुसार कैदबापतको जरिवाना रकम बुझाएपछि उनी रिहा भएका हुन्। शेर्पाले कैद सजाय जरिवानामार्फत बुझाउने अनुमति माग्दै अदालतमा निवेदन दिएका थिए।

उनको माग अनुसार अदालतले आदेश दिएपछि शेर्पा कारागारबाट बाहिरिएका हुन्। उनी गत कात्तिक १८  मा पक्राउ परेका थिए।