बाबुको हत्या गरेको आरोपमा छाेरा पक्राउ

काठमाडौं । गोरखाको चुमनुब्री गाउँपालिका–६ निवासी ३६ वर्षीय रोशन गुरुङ (पेम्बा लामा) आफ्नै बाबुको हत्या आरोपमा पक्राउ परेका छन्।

प्रहरीका अनुसार पेम्बाले आफ्ना ७८ वर्षीय पिता आमकी लामामाथि कुटपिट गरेका थिए। कुटपिटबाट गम्भीर घाइते भएका लामालाई उपचारका लागि मनमोहन अस्पताल लगिएको थियो। तर, उपचारकै क्रममा उनको मृत्यु भएको प्रहरीले जनाएको छ।

आरोपित पेम्बा लामालाई आइतबार राति स्वयम्भू क्षेत्रमा खटिएको प्रहरी टोलीले पक्राउ गरेको महानगरीय प्रहरी वृत्त स्वयम्भूले जनाएको छ।