रवि लामिछानेको मुद्दा फेरि हेर्दाहेर्दैमा !

काठमाडौँ ।  राष्ट्रिय स्वतन्त्र पार्टीका सभापति रवि लामिछानेको मुद्दा फिर्ता सम्बन्धी रिटमाथिको सुनुवाई आज (सोमबार) पनि सकिएन । न्यायाधीशद्वय विनोद शर्मा र अव्दुल अजीज मुसलमानको बेञ्चमा परेको यो रिट आज पनि हेर्दाहेर्दैमा परेको छ ।

फागुन २७ गते न्यायाधीशद्वय सपना प्रधान मल्ल र श्रीकान्त पौडेलको बेञ्चले पूर्ण सुनुवाईको निम्ति पेश गर्न आदेश दिएको यो रिट पाँचौँपटक हेर्दाहेर्दैमा परेको हो ।

फागुन २७ को आदेशबमोजिम चैत १, २, ३ र ५ गते चार दिनसम्म हेर्दाहेर्दैमा राखेर नियमित सुनुवाई गरिएको थियो । न्यायाधीशद्वय शारंगा सुवेदी र सुनिल कुमार पोखरेलको बेञ्चले चार दिन नियमित सुनुवाई गरेको थियो ।

चैत ५ गतेको आदेशमा रवि लामिछानेसँगै जीवी राई समेतको मुद्दा फिर्ता सम्बन्धी निर्णय पेश गर्न महान्यायाधिवक्ता कार्यालयलाई भनिएको थियो ।

चैत ५ गतेको आदेशबमोजिम आज (चैत ९ गते) न्यायाधीशद्वय विनोद शर्मा र अव्दुल अजीज मुसलमानको इजलासमा रिटमाथि थप सुनुवाई भएको थियो ।

तर, सोमबारको सुनुवाईपछि पनि अदालतले कुनै आदेश दिएन । आज पनि मुद्दा हेर्दार्दैमा राखिएको छ ।

महान्यायाधिवक्ता कार्यालयले रास्वपा सभापति रवि लामिछाने र फरार रहेका अभियुक्त जीबी राईसमेतविरुद्ध विभिन्न जिल्ला अदालतमा विचाराधीन संगठित अपराध र सम्पत्ति शुद्धीकरणको अभियोजन फिर्ता लिने निर्णय गरेपछि त्यसविरुद्ध सर्वोच्च अदालतमा रिट परेको हो ।

यो पनि-

रविसँगै जीबी राई पनि सर्वोच्च अदालतमा तानिए !