सम्पत्ति शुद्धीकरणमा शंकर ग्रुप : बुवा छुटे, छोराविरुद्ध ५ दिन म्याद थप

काठमडौँ । सम्पत्ति शुद्धीकरणमा तानिएका शंकर ग्रुपका सञ्चालक शंकर अग्रवाल (बुवा) छुटेका छन् भने अर्का सञ्चालक सुलभ अग्रवाल (छोरा) विरुद्ध ५ दिन म्याद थप भएको छ ।

गत शुक्रवार नै पक्राउ परेका शंकर अग्रवाललाई आइतबार बयान सकेर छाडिएको हो ।

यता आइतबार दिउँसो पक्राउ परेका सुलभविरुद्ध भने काठमाडौं जिल्ला अदालतबाट म्याद थप भएको सम्पत्ति शुद्धीकरण विभागले जानकारी दिएको छ ।

सुलभ अग्रवाल यस अघि पनि २०७६ सालमा थर्मल गन महँगो मूल्यमा बेच्न खोजेको आरोपमा पक्राउ परेका थिए । त्यसबेला उनलाई सम्पत्ति शुद्धीकरण विभाग तारेखमा छाडेको थियो ।