सम्पत्ति शुद्धीकरण मुद्दामा विष्णु पौडेलको म्याद फेरि थपियो

काठमाडौँ । सम्पत्ति शुद्धीकरण (मनी लाउन्डरिङ) मुद्दामा अनुसन्धानका लागि पक्राउ परेका नेकपा एमालेका उपाध्यक्ष विष्णु प्रसाद पौडेललाई थप ५ दिन हिरासतमा राख्न विशेष अदालतले न्यायिक हिरासतमा राख्न अनुमति दिएको छ ।

सम्पत्ति शुद्धीकरण अनुसन्धान विभागको अनुरोधमा विशेष अदालतले बुधबार चौथोपटक म्याद थप गरेको हो ।

विशेष अदालतका सदस्य न्यायाधीश नारायणप्रसाद पौडेल र विदुर कोइरालाको इजलासले अनुसन्धान प्रयोजनका लागि पौडेलको म्याद थप्ने आदेश दिएको अदालत प्रशासन शाखाले जनाएको छ ।

अदालतका अनुसार सम्पत्ति शुद्धीकरण मुद्दाको अनुसन्धान जारी रहेकाले पौडेललाई थप पाँच दिन न्यायिक हिरासतमा राखेर अनुसन्धान गर्न अनुमति दिइएको हो ।