वकीलको कार्यालय १० वर्षमा नवीकरण गर्न पाइने

काठमाडौँ । कानून व्यवसायीहरुले आफ्नो ल फर्मको नवीकरण हरेक ५/५ वर्षमा गर्दै आएका थिए । अबदेखि १० वर्षमा एकपटक नवीकरण गर्दा हुने भएको छ ।

नेपाल कानून व्यवसायी परिषद (बार काउन्सिल) को बैशाख ९ गते बसेको बैठकले वकीलहरुको कार्यालय १०/१० वर्षमा नवीकरण गर्दा हुने गरी नयाँ नियम लागू गरेको हो ।

बार काउन्सिलका सचिव श्रीराम खनालद्वारा सोमबार जारी विज्ञप्ति अनुसार कानून व्यवसायीहरुलाई परिषदमा धाइराख्न असुविधा नहोस् भनेर १० वर्षमा नवीकरण गर्दा हुने निर्णय गरिएको हो ।

हेर्नुहोस् बार काउन्सिलको सूचना–