भेप भित्र सुन तस्करी प्रकरण : पूर्वसभामुख महराको बयान जारी

काठमाडौं । विद्युतीय सिगरेट (भेप) भित्र सुन तस्करी गरिएको प्रकरणमा पूर्वसभामुख कृष्णबहादुर महरा विरुद्ध दायर भ्रष्टाचार मुद्दामा विशेष अदालतमा हाल बयान लिने कार्य भइरहेको छ ।

विशेष अदालतको वेबसाइटमा प्रकाशित विवरणअनुसार महराको बयान लिने प्रक्रिया जारी रहेको छ। बयान सकिएपछि थुनछेक बहस अघि बढ्नेछ ।

अख्तियार दुरुपयोग अनुसन्धान आयोगले भेपभित्र लुकाएर सुन तस्करी गरिएको प्रकरणमा महरासहित भन्सारका उच्च अधिकारी तथा अन्य व्यक्तिविरुद्ध ७ करोड ७८ लाख रुपैयाँभन्दा बढी बिगो दाबी गर्दै भ्रष्टाचार मुद्दा दायर गरेको छ ।

अख्तियारका अनुसार २०७९ पुस १० गते दुबईबाट नेपाल ल्याइएका ७३० थान भेपभित्र सुन लुकाइएको भेटिएको थियो । सोही प्रकरणमा अनुसन्धानपछि महरासहितका प्रतिवादीविरुद्ध विशेष अदालतमा मुद्दा दायर गरिएको हो ।