कुन चुनाव क्षेत्रमा कति लाख खर्च गर्न पाइन्छ ? (सूचीसहित)

काठमाडौं । निर्वाचन आयोगले आगामी फागुन २१ गते हुने प्रतिनिधिसभा निर्वाचनका लागि उम्मेदवारले गर्न पाउने खर्चको सीमा तोकेको छ । निर्वाचन क्षेत्रको भौगोलिक अवस्था अनुसार खर्चको सीमा फरक–फरक तोकिएको छ ।

आयोगद्वारा जारी विज्ञप्तिअनुसार सुगम जिल्लाका निर्वाचन क्षेत्रमा एकजना उम्मेदवारले २५ लाख रुपैयाँसम्म खर्च गर्न पाउने छ भने भौगोलिक हिसाबले दुर्गम जिल्लामा रहेका निर्वाचन क्षेत्रहरुमा ३३ लाखसम्म खर्च गर्न पाइने छ ।

आयोगका अनुसार उम्मेदवारले खर्च गर्दा बैंक वा वित्तीय संस्थामा छुट्टै खाता खोली सोही खाताबाट खर्च गर्नुपर्नेछ ।

त्यसरी खर्च गर्दा उम्मेदवारका तर्फबाट खर्च गर्ने जिम्मेवार पदाधिकारी तोकेर उक्त व्यक्तिको विवरण निर्वाचन अधिकृतको कार्यालय तथा प्रदेश वा  निर्वाचन कार्यालयमा पठाउनुपर्ने छ ।

उम्मेदवारहहरुले आयोगले तोकेको खर्चको हदभित्र रही निर्वाचनमा खर्च गर्न भनिएको छ ।

राष्ट्रियसभा सदस्यका उम्मेद्वारले कुन शीर्षकमा कति खर्च गर्न पाउँछन् ?

चुनाव सकिएपछि ३५ दिनभित्र प्रतिनिधि सभा सदस्य निर्वाचन ऐन, २०७४ को दफा ७२ को उपदफा (४) बमोजिम निर्वाचन खर्चको विवरण उम्मेदवार वा उम्मेदवारको प्रतिनिधिले प्रदेश / जिल्ला निर्वाचन कार्यालयमा पेश गर्न आयोगले भनेको छ ।

त्यसैगरी राजनीतिक दल वा उम्मेदवारले निर्वाचन (कसूर तथा सजाय) ऐन, २०७३ को दफा ३१ बमोजिम निर्वाचन प्रचार–प्रसारमा भएको आम्दानी र खर्चको विवरण सम्बन्धित सबैको जानकारीको लागि सार्वजनिक गर्न समेत आयोगले निर्देशन दिएको छ ।

आयोगले गत असोज २१ गते राजपत्रमा प्रकाशित मापदण्ड अनुसार खर्चको अधिकतम सीमा तोकेको हो ।

९ लाख मतदाता थपिए, फागुन २० गते १८ वर्ष पुग्‍ने मतदाताले भोट हाल्न पाउने

हेर्नुहोस् खर्चको सीमा–