निर्वाचन कार्यतालिका स्थगित गर्न माग गर्दै सर्वोच्चमा रिट

काठमाडौं । आगामी फागुन २१ गते तय गरिएको प्रतिनिधिसभा निर्वाचनको प्रक्रिया रोक्न माग गर्दै सर्वोच्च अदालतमा रिट निवेदन दर्ता भएको छ। अधिवक्ता कीर्तीनाथ शर्मा पौडेलले राष्ट्रपति कार्यालय र प्रधानमन्त्री कार्यालयलाई विपक्षी बनाएर रिट दायर गरेका हुन्।

रिटमा निर्वाचन आयोगले सार्वजनिक गरेको निर्वाचन तालिकाअनुसार माघ ६ गते हुने प्रत्यक्षतर्फको उम्मेदवार मनोनयनलगायत सम्पूर्ण निर्वाचन कार्यक्रम तत्काल स्थगन गर्न माग गरिएको छ। निर्वाचन कार्यक्रम अघि बढेमा प्रतिनिधिसभा पुनर्स्थापनासम्बन्धी यसअघि दायर रिट प्रभावित हुने दाबी निवेदकको छ।

शर्माका अनुसार माघ ६ गते निवेदकलाई अदालतमा उपस्थित हुन भनिएकाे छ। शर्माले यस अघि नै प्रधानमन्त्री सुशिला कार्कीले गरेकाे प्रतिनिधिसभा विगठन गैरसंवैधानिक भएकाे भन्दै सर्वाेच्चमा रिट दर्ता गरेका थिए । जस नेपलसँग कुरा गर्दै अधिवक्ता शर्माले भने ‘संसद विगठनको मुद्दा अन्तिम किनारा नलेगेसम्म निर्वाचन आयोगकाे निर्वाचनसम्बन्धी सबै गतिविधि रोक्न माग गर्दै रिट दर्ता गरेको हुँ । यसरी गैरसंवैधानीक तवरले भएको विगठनको मुद्दा टुङ्गो नलागी निर्वाचन गर्दा राज्यलाई कुनै भार नपरोस भनेर रिट हालेको हुँ ।’

आयोगको कार्यतालिकाअनुसार मनोनयन, उजुरी, जाँचबुझ, उम्मेदवारको अन्तिम नामावली प्रकाशन तथा निर्वाचन चिह्न वितरणका कार्यक्रम क्रमशः माघ ६ देखि ९ गतेसम्म तय गरिएको छ।