आज पनि तोकिएन पूर्वमन्त्री खाण र रायमाझीको सजाय, मुद्दा हेर्दाहेर्दैमा

 काठमाडौँ  । जिल्ला अदालत काठमाडौँले आज तोकिएको नक्कली भुटानी शरणार्थी ठगी प्रकरणमा दोषी ठहर भएका १६ जनाको सजाय निर्धारणको प्रकृयालाई हेर्दाहेर्दैमा राखेको  छ ।

गजेन्द्र बुढाथोकी समेतको जाहेरीले नेपाल सरकारविरुद्ध दर्ता भएको यो मुद्दामा ठगी, लिखत किर्ते, राज्यविरुद्धको कसुर र संगठित अपराध सम्बन्धी आरोप छन् । सन्दिप रायमाझी समेत ३० जनाविरुद्धको मुद्दा फाँट ९ (विशेष) मा आज सजाय निर्धारण आदेश हेर्दाहेर्दैको स्थितिमा रहेको  हो ।

यस सम्बन्धमा गत २३ असारमा न्यायाधीश तेजबहादुर खड्काको इजलासले पूर्वगृहमन्त्री बालकृष्ण खाण, पूर्वऊर्जामन्त्री टोपबहादुर रायमाझीसहित १६ जनालाई दोषी ठहर गरेको थियो । 

यो पनि – नक्कली भुटानी शरणार्थी प्रकरण : पूर्वमन्त्री खाण र रायमाझीसहित १६ जनालाई आज सजाय तोकिँदै