पूर्वमन्त्री ज्ञानेन्द्र कार्कीलाई १५ लाख धरौटीमा छाड्न विशेष अदालतको आदेश

काठमाडौँ । पोखरा क्षेत्रीय विमानस्थल घोटाला प्रकरणमा काँग्रेस नेता एवं पूर्वअर्थमन्त्री ज्ञानेन्द्र बहादुर कार्कीसँग विशेष अदालतले १५ लाख रुपैयाँ धरौटी माग गरेको छ ।

विशेष अदालका न्यायाधीश नारायण प्रसाद पौडेल, डिल्लीरत्न श्रेष्ठ र उमेश कोईरालाको इजलासले सोमबार विमानस्थल निर्माणसम्बन्धी भ्रष्टाचार मुद्दामा कार्कीसँग धरौटी माग गरेको हो ।

कार्कीले धरौटी तिर्न नसके थुनामा पठाउन आदेश दिएको छ ।

पोखरा विमानस्थल निर्माणका क्रममा ३ अर्ब ६२ करोड रुपैयाँ भन्दा बढीको हानीनोक्सानी गरेको आरोपमा अख्तियार दुरुपयोग अनुशन्धान आयोगले कार्की विरुद्ध विशेष अदालतमा मुद्दा दायर गरेको थियो ।

कार्कीले अर्थमन्त्री रहँदा विमानस्थल निर्माण गर्ने क्रममा भएको खरिद सम्झौतामा ठेकेदार कम्पनीलाई कर लगायतका दायित्वबाट उन्मुक्ति दिई सार्वजनिक सम्पत्ति हिनामिना गरेको अख्तियारको दाबी छ ।

विशेष अदालतले कार्कीलाई तत्काल प्राप्त प्रमाणका आधारमा उन्मुक्ति दिन नसकिने ठहर गर्दै पछि ठहरिए बमोजिम हुने गरी १५ लाख धरौटी मागेको हो ।

हेर्नुहाेस् आदेश :