विशेष अदालतद्वारा शेखर गोल्छासँग १ करोड धरौटी माग, नदिए थुनामा राख्न आदेश

काठमाडौँ  । विशेष अदालतले व्यवसायी शेखर गोल्छालाई सम्पत्ति शुद्धीकरणसम्बन्धी मुद्दामा १ करोड रुपैयाँ धरौटी माग गरेको छ । अदालतले माग गरिएको धरौटी रकम वा सो बराबरको बैंक जमानत नदिए गोल्छालाई थुनामा राख्न आदेश दिएको छ ।

विशेष अदालत काठमाडौंको इजलास नं.१ ले नेपाल सरकार वादी र शेखर गोल्छा प्रतिवादी रहेको सम्पत्ति शुद्धीकरण मुद्दामा यस्तो आदेश गरेको हो । इजलासमा अध्यक्ष न्यायाधीश माननीय वासुदेव आचार्य तथा सदस्य न्यायाधीश हेमन्त रावल र विदुर कोइराला थिए ।

अदालतको आदेशअनुसार अनुसन्धानका क्रममा संकलित प्रमाणका आधारमा गोल्छाको संलग्नता तथा भूमिका सम्बन्धमा थप प्रमाण परीक्षण गर्नुपर्ने देखिएको भन्दै मुद्दालाई पुर्पक्षका लागि अघि बढाइएको हो । अदालतले तत्कालका लागि १ करोड रुपैयाँ नगद धरौटी वा सो बराबरको बैंक जमानत पेश गर्न भनेको छ ।

आदेशमा तोकिएको धरौटी रकम वा बैंक जमानत पेश नगरे विशेष अदालत नियमावली, २०८० को नियम ३० को उपनियम ९२० बमोजिम थुनुवा पुर्जी दिई थुनामा राख्न सम्बन्धित कारागार कार्यालयमा पठाउनसमेत भनिएको छ ।

अदालतमा बयानका क्रममा गोल्छाले आफूले हिमालयन रिइन्स्योरेन्स कम्पनी लिमिटेडको अध्यक्षका रूपमा कम्पनीको कारोबारमा प्रत्यक्ष भूमिका नखेलेको दाबी गरेका थिए ।

हेर्नुहाेस् आदेश :