बैशाख १ देखि ‘ब्रिज कोर्स’का कक्षा सञ्चालन गर्न प्रतिबन्ध

काठमाडौँ । सरकारले आगामी बैशाख १ देखि ‘ब्रिज कोर्स’का कक्षाहरु सञ्चालन गर्न प्रतिबन्ध लगाउने भएको छ ।

शिक्षा, विज्ञान तथा प्रविधि मन्त्रालयले आइतबार जारी गरेको प्रेस विज्ञप्तिअनुसार विद्यालय तथा उच्च शिक्षाका विभिन्न तहमा भर्ना प्रक्रिया सुरु हुनुअघि निजी संस्थाहरूले सञ्चालन गर्दै आएका यस्ता कक्षाले विद्यार्थीमाथि अनावश्यक मानसिक र आर्थिक दबाब सिर्जना गरेको ठहर गरिएको छ। साथै, यसले शिक्षामा समान पहुँचमा समेत नकारात्मक असर पार्ने निष्कर्ष मन्त्रालयको छ ।

सोही आधारमा २०८३ साल बैशाख १ गतेदेखि लागू हुने गरी ब्रिज कोर्स तथा प्रवेश परीक्षा तयारी कक्षाहरू सञ्चालन नगर्नरनगराउन सम्बन्धित सबै सरोकारवालालाई निर्देशन दिइएको विज्ञप्तिमा उल्लेख छ ।

मन्त्रालयले यस्तो गतिविधि सञ्चालन भएको पाइएमा प्रचलित कानूनअनुसार कारबाही प्रक्रिया अघि बढाइने चेतावनी समेत दिएको छ । साथै, कार्यान्वयनको अनुगमन गर्न सम्बन्धित जिल्ला प्रशासन कार्यालयलाई समेत अनुरोध गरिएको जनाइएको छ ।

हेर्नुहाेस् प्रेस विज्ञप्ति –