दुर्गा प्रसाईँलाई चार दिन हिरासतमा राख्न अनुमति

काठमाडौ ।  ‘नागरिक बचाउ महाअभियान’ का संयोजक दुर्गा प्रसाईँलाई चार दिन हिरासतमा राख्‍न जिल्ला अदालत काठमाडौंले अनुमति दिएको छ ।

सोमबार राति भक्तपुरको ठिमीस्थित निवासबाट पक्राउ परेका प्रसाईँलाई म‌ंगलबार बिहान सरकारी वकिलको कार्यालयमार्फत म्याद थपका लागि अदालतमा पेश गरिएको थियो।

जिल्ला अदालतबाट ४ दिनको म्याद प्राप्त भएपछि प्रहरीले उनलाई सार्वजनिक शान्तिविरुद्धको कसुरमा थप अनुसन्धानका लागि हिरासतमा राख्ने जनाएको छ।

प्रहरीले अब प्रसाईँका अभिव्यक्ति र हालका गतिविधिसम्बन्धी थप वयान संकलन, प्रमाण जुटाउने तथा डिजिटल सामग्री विश्लेषण गर्ने कार्य अघि बढाइने जनाएको छ।