नक्कली शैक्षिक प्रमाणपत्र बनाएर अमेरिका जाने दाउ, ७ जना पक्राउ

काठमाडौँ । नक्कली शैक्षिक प्रमाणपत्र बनाइ ठगी गर्ने गिराेहका ७ जना जनालाई प्रहरीले पक्राउ गरेको छ ।

काठमाडौँ उपत्यका अपराध अनुसन्धान कार्यालय, टेकुका अनुसार तनहुँ भिमादका किरण सिंह ठकुरीले अमेरिकी दुतावासमा पेस गरेकाे कक्षा १२ को शैक्षिक प्रमाणपत्र नक्कली भएकाे पुष्टि भएपछि प्रहरीले अनुसन्धान सुरु गरेकाे थियाे । ठकुरीले अमेरिकाकाे डाइभर्सिटी भिसा (DV) परेपछि नक्कली सर्टिफिकेट बनएर दुतावासमा पेस गरेका थिए ।

प्रहरीका अनुसार ठकुरीले अमेरिकी दूतावास, काठमाडौँमा पेस गरेको शैक्षिक प्रमाणपत्र राष्ट्रिय परीक्षा बोर्ड, सानोठिमीबाट नक्कली रहेको पुष्टि भएको थियो । सोही प्रमाणपत्र तयार पार्ने र प्रयोग गर्न सहयोग गर्ने समूहलाई काठमाडौँका विभिन्न स्थानबाट पक्राउ गरिएको प्रहरीले जनाएकाे छ ।

पक्राउ पर्नेमा किरण सिंह ठकुरीसहित अनिल शर्मा, लक्ष्मण बस्नेत, केशव फुयाँल, विष्णु पाण्डे, दीप लामिछाने र शोभाकर खनाल रहेका छन् ।  उनीहरूलाई आवश्यक अनुसन्धान तथा कानुनी कारबाहीका लागि जिल्ला प्रहरी परिसर, भद्रकाली पठाइएको प्रहरीले जनाएको छ ।

विज्ञप्ति पनि हेर्नुहाेस्: