रवि लामिछानेको मुद्दा तेस्रो दिन पनि ‘हेर्दाहेर्दै’मा

काठमाडौं । सर्वोच्च अदालतमा चलिरहेको रवि लामिछानेको अभियोजन फिर्ता सम्बन्धी मुद्दा आज (मंगलबार) तेस्रो दिन पनि हेर्दाहेर्दैमा रहेको छ ।

आइतबारदेखि नियमित सुनुवाईमा चढेको यो मुद्दा तीन दिनसम्म हेर्दाहेर्दैमा रहेको हो । मंगलबार तेस्रो दिन पनि वकीलहरुको बहस नसकिएकाले निर्णय आउन नसकेको हो ।

महान्यायाधिवक्ता सविता भण्डारीले रवि लामिछानेविरुद्ध चलिरहेको संगठित अपराध र सम्पत्ति शुद्धीकरणको अभियोजन फिर्ता लिने निर्णय गरेपछि त्यसविरुद्ध अदालतमा रिट परेको थियो ।

रिटमाथिको सुनुवाई जारी रहेको छ । बुधबार उपत्यकामा घोडेजात्राको विदा परेकाले वीहीबार पुनः सुनुवाई हुने र अन्तरिम आदेशसम्बन्धी निर्णय आउने स्रोतको भनाइ छ ।

यो पनि-

रविलाई मन्त्री बन्न नैतिकताले रोक्ने सर्वोच्चको त्यो फैसला

जब रविको मुद्दामा सविता आफैं ‘न्यायाधीश’ बनिन्…