महेश बस्नेतलाई पक्राउ गर्न माग गर्दै प्रहरीमा अर्को निवेदन

काठमाडौँ । नेकपा एमालेका सचिव महेश बस्नेतलाई पक्राउ गर्न माग गर्दै शोभा पाठकले काठमाडौं प्रहरी परिसरमा नयाँ निवेदन दिएकी छन् ।

पाठकले यसअघि बस्नेतविरुद्ध दायर गरेको जबरजस्ती करणी मुद्दा सरकारी वकिलको कार्यालयले तामेलीमा राखेको छ ।

बस्नेले आफूमाथि यौन शोषण तथा दुर्व्यवहार गरेको आरोप लगाउँदै पाठकले आइतबार प्रहरी परिसरमा निवेदन दिएकी हुन् । प्रहरीले भने अदालतमा पुगेको मुद्दाका विषयमा आदेश आएपछि मात्रै अन्य प्रक्रिया अघि बढ्ने जनाएको छ । आफूमाथि भएको हिंसामा बस्नेतलाई पक्राउ गर्नुपर्ने पाठकको माग छ ।

त्यस्तै उनले आइतबार नै काठमाडौं सरकारी वकिलको कार्यालय पुगेर छलफलसमेत गरेकी थिइन् ।

याे पनि –

• • ओली अदालत नजाने, भर्चुअल बयान लिइने
  • ओलीको गिरफ्तारी : फौजदारी कानूनले के भन्छ ?
  • हेर्नुहोस् कार्की आयोगको ८९८ पृष्ठको जाँचबुझ प्रतिवेदन (पूर्णपाठ)