हाजिरी जमानीमा रिहा भए ‘बले’

काठमाडाैँ । अभिनेता सागर लम्साल उर्फ बले हाजिरी जमानीमा रिहा भएका छन् ।

गत चैत्र २१ गते बलात्कार आरोपमा पक्राउ परेका उनलाई पीडितको जाहेरी नपरेपछि अभद्र व्यवहार/शान्ति सुरक्षा कसुर कसुरमा अनुसन्धान अघि बढाइएको थियो ।

पीडित भनिएकी युवतीको सामाजिक सञ्जाल पोस्टलाई आधार बनाएर लम्साललाई प्रहरीले पक्राउ गरेको थियो । त्यसपश्चात् काठमाडौँका प्रमुख जिल्ला अधिकारी ईश्वरराज पौडेलले शान्ति सुरक्षा कसुरमा अनुसन्धान गर्न भन्दै पाँच दिनको म्याद थप दिएका थिए ।

अमेरिकामा बस्ने एक युवतीले गत शुक्रवार मात्रै बलेमाथि अमेरिकामै बलात्कार गरेको आरोप लगाएकी थिइन् । त्यी युवतीले बलेवीरुद्ध अमेरिकामै जाहेरी दर्ता गाएकी छन् ।