ल क्याम्पसमा अनेरास्ववियुकाे पनि छुट्टै निःशुल्क एल.एल.बी. तयारी कक्षा

काठमाडौं । एल.एल.बी. प्रवेश परीक्षा तयारीलाई लक्षित गर्दै अनेरास्ववियु नेपाल ल क्याम्पसले पनि छुट्टै  निःशुल्क तयारी कक्षा सञ्चालनमा ल्याएको छ । स्ववियु सदस्यसमेत रहेका अनेरास्ववियुका मुनाल न्यौपानेका अनुसार बैशाख ७ गतेबाट नै भौतिक तथा अनलाइन दुवै माध्यमबाट कक्षा सञ्चालन भइरहेको छ ।

उनका अनुसार भौतिक कक्षा बिहान साढे ६ बजेदेखि सुरु हुने गर्दछ भने अनलाइन कक्षा बेलुका ७ बजेदेखि सञ्चालन भइरहेको छ । दुवै कक्षा २/२ घण्टाकाे हुने र भाैतिक कक्षा क्याम्पस परिसर भित्रै हुने बताइएकाे छ ।

प्रवेश परीक्षाको तयारी गरिरहेका विद्यार्थीलाई लक्षित गरी नियमित कक्षा, अभ्यास तथा मार्गदर्शन प्रदान गरिँदै आएको उनले बताए । न्यौपानेका अनुसार अघिल्लो वर्ष कक्षा लिएका विद्यार्थीमध्ये करिब ३०० जना नाम निकाल्न सफल भएका थिए, जसले कार्यक्रमको प्रभावकारिता देखाएको उनको दाबी छ । कक्षा लिन चाहाने विद्यार्थीले Whatsapp ग्रुप मार्फत जाेडिन सकिने उनकाे भनाई छ ।

साथै नेपाल विद्यार्थी संघ (ने‍.वि.संघ) ले पनि नेपाल ल क्याम्पसमा निःशुल्क तयारी कक्षा सञ्चालन गर्दै आएको छ ।

याे पनि पढ्नुस् :

• ल क्याम्पसमा एल.एल.बी.को निःशुल्क तयारी कक्षा, अनलाइनबाट पनि पढ्न मिल्ने