जबर्जस्ती करणी आरोपमा वडाध्यक्ष पक्राउ, ५ दिन हिरासत राख्न अनुमति

जुम्ला । जबर्जस्ती करणी गरेको आरोपमा जुम्लाको पातारासी गाउँपालिका वडा नम्बर ५ का अध्यक्ष दत्तबहादुर बुढा पक्राउ परेका छन् । उनलाई बुधबार नियन्त्रण लिइएको जिल्ला प्रहरी कार्यालय जुम्लाले जानकारी दिएको छ ।

वडाध्यक्ष बुढाविरुद्ध एक महिलाले आफुलाई पटकपटक धम्क्याउँदै जबर्जस्ती करणी गरेको आरोप लगाएकी छन् । पक्राउ परेका वडाध्यक्ष बुढालाई हिरासतमा राखेर अनुसन्धान गर्न जिल्ला अदालत जुम्लाले पाँच दिनको म्याद दिएको प्रहरीको जिकिर छ ।