एलएलबी प्रवेश परीक्षाको आवेदन फाराम भोलिसम्म भर्न पाइने

काठमाडौँ । त्रिभुवन विश्वविद्यालय कानून सङ्काय, एलएलबी प्रवेश परीक्षाका लागि अनलाइन आवेदन फाराम भर्ने सुरु म्याद भोलि (जेठ ९ गते बुधबार) सकिँदैछ ।

भोलि बेलुकी ९ बजेसम्म एक हजार ७०० रुपैयाँ तिरेर फर्म भर्न पाइनेछ । आवेदनकर्ताहरूले https://www.fol.edu.np/ वा https://entrance.fol.edu.np/ मार्फत अनलाइन फाराम भर्न सक्नेछन् ।

दोब्बर दस्तुर तिरी फाराम भर्ने अवधि जेठ १४ गते (२०८१/२/१४) बुधबार राति ९:०० बजेसम्म कायम रहेको त्रिभुवन विश्वविद्यालय कानून संकायले जानकारी दिएको छ ।

विश्वविद्यालयले एलएलबी प्रवेश परीक्षा जेठ २९ गते शुक्रबार मध्याह्न १२ बजेदेखि १ बजेर ४० मिनेटसम्म हुने सूचनामा उल्लेख छ ।