बैंकिङ कसुरमा वडाध्यक्ष पक्राउ, मेयर भन्छन् ‘पक्राउ परेको थाह छैन’

महोत्तरी । प्रहरीले बर्दिबास नगरपालिका–९ का वडाध्यक्ष घुरन महतोलाई बैंकिङ कसुरसम्बन्धी मुद्धामा पक्राउ गरेको छ ।

महोत्तरी जिल्ला अदालतबाट गत वैशाख २२ गते फरार सूचीमा रहेका वडाध्यक्ष महतोलाई प्रहरीले गत वैशाख २२ गते बिहीबार पक्राउ गरेको हो ।

प्रहरी नायब उपरीक्षक पञ्चलाल गोलेले वडाध्यक्ष महतोलाई इलाका प्रहरी कार्यालय बर्दिबासको हिरासतमा राखी बैंकिङ कसुरसम्बन्धी मुद्दामा आवश्यक अनुसन्धान गरिरहेको जानकारी दिए ।

यता पक्राउ परेका वडाध्यक्ष धुरन महतोको नाम बर्दिबास नगरपालिकाको वेवसाइटमा भने उल्लेख छैन ।  उहाँको नाम किन नराखिएको भन्ने प्रश्नमा मेयर प्रहलाद कुमार क्षेत्री भन्छन् ‘उहाँ ९ नम्बरको वडाध्यक्ष हो । वेवसाइटमा केही समस्या भएको होला । तर उहाँ पक्राउ परेको मलाइ थाह छैन ।’