बार भवनमा संविधान संशोधनको बहस

काठमाडौँ । नेपाल बार एशोसिएसनले संविधान संशोधनबारे अन्तरक्रिया गर्ने भएको छ । शुक्रबार दिउँसो ३ बजे रामशाहपथस्थित बार एशोसिएसन भवनमा ‘संवैधानिक अभ्यास : संशोधनको बहस, सीमा र प्रक्रिया’ विषयक अन्तरक्रिया हुन लागेको हो ।

नेपाल बार एशोसिएसन संवैधानिक समितिको आयोजनामा हुन लागेको अन्तरक्रियामा सर्वोच्च अदालतका पूर्वन्यायायाधीश ईश्वर प्रसाद खतिवडाले मन्तव्य दिने कार्यक्रम छ ।

त्यसैगरी अन्तरक्रियामा अतिथि वक्ताका रुपमा बरिष्ठ अधिवक्ता बद्रीबहादुर कार्की, अधिवक्ताद्वय दीपेन्द्र झा र निशान्तबाबु खड्काले आफ्ना धारणाहरु राख्ने आयोजकको भनाइ छ ।