हिरासतबाट फरार स्वर्णलक्ष्मी सहकारी प्रकरणका आरोपी ज्ञानबहादुर बम्जन पक्राउ

२३ कार्तिक २०८२

हिरासतबाट फरार स्वर्णलक्ष्मी सहकारी प्रकरणका आरोपी ज्ञानबहादुर बम्जन पक्राउ

काठमाडाैं । स्वर्णलक्ष्मी बहुउद्देश्यीय सहकारी संस्था लिमिटेडको रकम अपचलन प्रकरणमा मुछिएका र केही महिनाअघि प्रहरी हिरासतबाट भागेका ज्ञानबहादुर बम्जनलाई प्रहरीले पुनः पक्राउ गरेको छ।

भदौ २४ गते जेनजी प्रदर्शनको भिडभाडको बीचमा जिल्ला प्रहरी परिसर काठमाडौँको भद्रकालीस्थित हिरासतबाट फरार भएका बम्जनलाई प्रहरीले काठमाडौँ महानगरपालिका–२६ ठमेल क्षेत्रबाट नियन्त्रणमा लिएको हो। जिल्ला प्रहरी परिसर काठमाडौँका एसपी पवन भट्टराईका अनुसार बम्जन हाल प्रहरी हिरासतमा छन् र उनीमाथि थप अनुसन्धान अघि बढाइएको छ।

सिन्धुलीको दुधौली नगरपालिका–७ का ५४ वर्षीय बम्जन रास्वपा अध्यक्ष रवि लामिछानेका साला गीतेन्द्रबाबु राई (जीबी)का जेठान हुन्। उनी यसअघि पोखरामा सञ्चालन भएको सूर्यदर्शन सहकारीको रकम दुरुपयोग प्रकरणमा समेत संलग्न रहेको अभियोगमा पक्राउ परेका थिए। सो प्रकरणमा अदालतले उनलाई १० लाख रुपैयाँ धरौटीमा रिहा गरेको थियो।

स्वर्णलक्ष्मी सहकारी घोटाला प्रकरणमा जिल्ला सरकारी वकिल कार्यालय, काठमाडौँले २०८१ पुस २१ गते रवि लामिछानेसहित ३९ जनाविरुद्ध जिल्ला अदालतमा अभियोगपत्र दायर गरेको थियो, जसमा बम्जन पनि प्रतिवादीको सूचीमा परेका थिए।

प्रहरी स्रोतका अनुसार बम्जनविरुद्ध पूरक अनुसन्धान प्रतिवेदन पेस गर्ने तयारी भइरहेको छ। मुलुकी कार्यविधि संहिता, २०७४ को दफा ३५ अनुसार पहिचान स्पष्ट नभएका व्यक्तिहरूको हकमा अलग अनुसन्धान प्रतिवेदन पेश गर्न सकिने कानुनी व्यवस्था रहेको बताइन्छ।

Leave a Reply

Your email address will not be published. Required fields are marked *

सम्बन्धित खवर

काेशीमा चार महिनामा लैङ्गिक हिंसाका २८६ वटा मुद्दा दर्ता

काेशीमा चार महिनामा लैङ्गिक हिंसाका २८६ वटा मुद्दा दर्ता

झापा । कोशी प्रदेशमा चालु आर्थिक वर्ष २०८२/८३ को प्रथम चौमासिक अवधिमा लैङ्गिक हिंसाका...

१६ दिने अभियान : ३३ वर्ष बित्यो, महिला हिंसा उस्तै 

१६ दिने अभियान : ३३ वर्ष बित्यो, महिला हिंसा उस्तै 

काठमाडौं ।   विश्वभर ‘लैङ्गिक हिंसा विरुद्धको १६ दिने अभियान’ (16 Days of Activism Against...

तस्बिरले तपाईंलाई विचलित पार्न सक्छ !

तस्बिरले तपाईंलाई विचलित पार्न सक्छ !

काठमाडौं । हामीले सानैदेखि सुन्दै आएका छौँ प्रतिक्षाको फल मीठो हुन्छ । तर, समयका...

बारामा पुनः कर्फ्यु, सिमरा विमानस्थल क्षेत्रमा बेलुका ८ बजेसम्म निषेधाज्ञा

बारामा पुनः कर्फ्यु, सिमरा विमानस्थल क्षेत्रमा बेलुका ८ बजेसम्म निषेधाज्ञा

बारा । जिल्ला प्रशासन कार्यालय बाराले सिमरा विमानस्थल र आसपासका क्षेत्रमा आज पुनः कर्फ्यु...