मधेस मुख्यमन्त्री नियुक्तिविरुद्ध दायर दुई रिटमा आज सुनुवाइ हुँदै

काठमाडाैं । मधेस प्रदेशको मुख्यमन्त्री नियुक्तिविरुद्ध दायर दुईवटै रिट निवेदनमा सर्वोच्च अदालतले सुनुवाइका लागि पेसी तोकेको छ। न्यायाधीशद्वय हरिप्रसाद फुयाल र नित्यानन्द पाण्डेयको संयुक्त इजलासमा यसकाे सुनुवाइ हुँदैछ ।

काठमाडौं महानगरपालिका–११ का अर्जुन शाहले कात्तिक २४ गते पहिलो रिट दर्ता गराएका थिए। उनले सरोजकुमार यादवलाई मुख्यमन्त्री नियुक्त गर्ने निर्णय संविधानको मर्म विपरीत रहेको दाबी गरेका छन्। त्यस्तै कात्तिक २५ गते, प्रदेश सभा सदस्य कृष्णप्रसाद यादवलगायतले पनि रिट निवेदन दायर गर्दै तत्कालीन प्रदेश प्रमुखको कदम संवैधानिक प्रावधानसँग बाझिएको आरोप लगाएका थिए।

रिट निवेदकहरूले—प्रदेशमा बहुमतीय सरकार गठन गर्न दुई वा दुईभन्दा बढी दलबीच सहमतिको वातावरण कायम रहेको अवस्थामा प्रदेश प्रमुखले सबैभन्दा ठूलो दलका संसदीय दलका नेतालाई मुख्यमन्त्री बनाइदिने निर्णय लिएर संविधानले तोकेको प्रक्रियालाई उपेक्षा गरेको जनाइएका छन् ।

उक्त विवादित नियुक्तिबारे सर्वोच्चको इजलासले अब दुवै रिटलाई एकै ठाउँमा  सुनुवाइ गर्ने छ ।