विष्णु पौडेलकी पत्नीद्वारा बन्दीप्रत्यक्षीकरणको रिट दर्ता, बिहिबार पेसी

काठमाडौँ । पूर्वउपप्रधानमन्त्री तथा नेकपा (एमाले) का उपाध्यक्ष विष्णु पौडेललाई गैरकानुनी थुनामा राखिएको भन्दै पौडेलकी पत्नले सर्वोच्च अदालतमा बन्दीप्रत्यक्षीकरणको रिट दर्ता गरेकी छन् ।

पत्नी दोमाया पौडेलले बुधबार बन्दीप्रत्यक्षीकरण रिट दर्ता गरेको अदालत प्रशासनले जानकारी दियो । निवेदनमा पौडेललाई प्रमाणको उपलब्धता बिना पक्राउ गरिएको भन्दै बन्दीप्रत्यक्षीकरण आदेश जारी गर्न माग गरिएको छ । रिट दर्ताभएसँगै सुनुवाइका लागि बिहीबारलाई पेसी तोकिएको छ ।

पौडेल सम्पत्ति शुद्धीकरणको आरोपमा सुर्खेतबाट पक्राउ परेका थिए । उनलाई मंगलबार नै विषेश अदालतले ७ दिन हिरासतमा राखेर अनुसन्धान गर्न अनुमती दिएको थियो ।