बयानका लागि शुक्रबार उपस्थित हुन पूर्वगृहमन्त्री लेखकलाई आयोगको पत्र

काठमाडौ‌ं । भदौ २३ र २४ गते भएका घटनाको छानबिनका लागि गठन गरिएको जाँचबुझ आयोगले तत्कालीन गृहमन्त्री रमेश लेखकलाई बयानका लागि बोलाएको छ ।

आयोगका अध्यक्ष गौरीबहादुर कार्कीले सञ्चार माध्यमलाई दिएकाे जानकारीअनुसार लेखकलाई शुक्रवार बयान दिन उपस्थित हुन पत्र पठाइएको हो । आयोगले सो घटनासँग सम्बन्धित अधिकांश व्यक्तिहरूको बयान लिइसकेको र अन्तिम चरणमा लेखकसहित पूर्व धानमन्त्री केपी शर्मा ओलीको पनि बयान लिने तयारी गरिरहेको छ ।

अध्यक्ष कार्कीका अनुसार पूर्वप्रधानमन्त्री ओलीलाई पनि औपचारिक पत्रमार्फत बयानका लागि बोलाउने आयोगको तयारी छ ।

आयोगले भदौ २३ र २४ गते भएका घटनाको सम्पूर्ण तथ्य संकलन गरी निष्कर्षमा पुग्ने तयारी गरिरहेको सेतोपाटीले लेखेको छ ।