नयाँ कानून व्यवसायीलाई देवानी मस्यौदा लेखन तालिम

झापा । कानूनी ज्ञान केन्द्र झापाको आयोजनामा शनिवार भद्रपुरमा नवोदित कानून व्यवसायीका लागि एक दिवसीय देवानी मस्यौदा लेखन तालिम सम्पन्न भएको छ ।

देवानी कानूनका सिद्धान्त र प्रयोग विषयमा झापा जिल्ला अदालतका जिल्ला न्यायाधीश पारसमणि पोखरेलले सहभागीहरुलाई प्रशिक्षण दिएका थिए ।

२१ जना कानून व्यवसायीको सहभागिता रहेको तालिममा देवानी मस्यौदा लेखन विषयमा लेक्स नेपालका प्रशिक्षक अधिवक्ता वसन्त जोशीले प्रशिक्षण दिएका थिए ।

तालिमको शुभारम्भमा जिल्ला सरकारी वकीलको कार्यालय झापाका जिल्ला न्यायधिवक्ता दीपेश शाह तथा झापा जिल्ला अदालतका सूचना अधिकृत रामचन्द्र बस्नेतले कार्यक्रम सफलताको शुभकामना व्यक्त गरेका थिए ।

कार्यक्रमको समापान समारोहमा झापा बार सहसचिव अधिवक्ता सानु कार्की बस्नेत र कार्य समिति सदस्य अधिवक्ता तारा बारकोटीले तालिम उपलब्धिमूलक भएको बताउनु भयो ।

कानूनी ज्ञान केन्द्र झापाका नवोदित कानून व्यवसायीको सक्रियतामा कानून तथा न्यायका क्षेत्रमा कार्य गर्ने उद्देश्यले स्थापना भएको संस्थाका अध्यक्ष तारामणि सापकोटाले बताए ।

केन्द्रको अध्यक्षमा अधिवक्ता तारामणि सापकोटा रहेका छन् भने उपाध्यक्षमा अधिवक्ता तिलक अर्याल र सचिवमा अधिवक्ता नरेश खाती रहेका छन् । त्यसैगरी सहसचिव अधिवक्ता अनु राउत, कोषाध्यक्ष अधिवक्ता सुरज मैनाली र सदस्यहरुमा अधिवक्ता रुद्रमणि भट्टराई र अधिवक्ता हेमनारायण राजवंशी रहेका छन् ।