सुरक्षा नपुगेको भन्दै सर्लाही जिल्ला अदालत बारद्वारा कामकाज ठप्प

सर्लाही । सर्लाही जिल्ला अदालतमा कार्यरत कानुन व्यवसायीको सुरक्षा नपुगेको भन्दै जिल्ला अदालत बार एसोसिएसन, सर्लाहीले असन्तुष्टी जनाएको छ । गत माघ १४ गते अदालत परिसरमै भएको भनिएको अभद्र व्यवहार र धम्कीप्रति आपत्ति जनाउँदै बारले सुरक्षा सुनिश्चित नभएसम्म अदालतमा उपस्थित भई कुनै पनि कामकारबाही नगर्ने निर्णय गरेको हो ।

बार एसोसिएसनका अनुसार मिटिङका क्रममा केही व्यक्तिहरूले कानुन व्यवसायीहरूमाथि शारीरिक तथा मानसिक दबाब सिर्जना गर्ने, अपमानजनक व्यवहार गर्ने र धम्की दिने कार्य गरेका थिए। यस घटनाले कानुन व्यवसायी, सहकर्मी र सेवाग्राहीको सुरक्षा जोखिममा परेको बारको भनाइ छ ।

बारले सम्बन्धित निकायको ध्यानाकर्षण गराउँदै तत्काल सुरक्षा प्रत्याभूति नदिए कडा विरोधका कार्यक्रमसमेत गर्ने चेतावनी दिएको छ ।

विज्ञप्ति पनि हेर्नुहाेस् –