बालेन सरकारको पहिलो मन्त्रिपरिषद् बैठक आजै, सरकारका कामबारे प्रारम्भिक निर्णय लिने

काठमाडौँ । नवनिर्वाचित सरकारको पहिलो मन्त्रिपरिषद् बैठक आजै बस्ने भएको छ। केहीबेरमै प्रधानमन्त्री तथा मन्त्रिपरिषद् कार्यालयमा बैठक बस्ने कर्मचारी स्रोतले जनाएको छ।

पदभार ग्रहणको काम सकेर मन्त्रीहरू धमाधम प्रधानमन्त्री तथा मन्त्रिपरिषद् कार्यालयतर्फ पुगिरहेका छन्।

आजै राष्ट्रपति रामचन्द्र पौडेलले बालेन्द्र शाहलाई प्रधानमन्त्रीमा नियुक्त गरेका थिए। साथै, नवनियुक्त मन्त्रीहरूले पनि आजै शपथ लिएका हुन्।

शपथपछि उनीहरू सबै सिंहदरबार पुगेर पदभार ग्रहण गरिसकेका छन्। आज बस्ने मन्त्रिपरिषद् बैठकले सरकारका केही महत्त्वपूर्ण कामबारे प्रारम्भिक निर्णय लिने बताइएको छ।

यो पनि-

नवनियुक्त प्रधानमन्त्री शाहबाट शपथ ग्रहण, यस्तो बन्यो १५ सदस्यीय मन्त्रीमण्डल