अधिवक्ताको परीक्षाफल प्रकाशित, १२७४ वकील थपिए (नतिजासहित)

काठमाडौँ । नेपाल कानून व्यवसायी परिषद (बार काउन्सिल)ले लिएको यस वर्षको परीक्षाको नतिजा प्रकाशित भएको छ । प्रकाशित नतिजा अनुसार यस वर्ष देशमा १२७४ जना नयाँ कानून व्यवसायीहरु थपिएका छन् ।

परिषदले बुधबार सार्वजनिक गरेको नतिजा अनुसार पृथ्वीराज पोख्रेल ८०.४५ प्रतिशत अंकसहित प्रथम भएका छन् ।

दोस्रो हुने रिया रायमाझीले ७६.३६ प्रतिशत अंक ल्याएकी छन् भने तृतीय हुने सुस्मिता हुमागाईले ७४.०९ प्रतिशत अंक पाएकी छन् ।

२२ सय बढी परीक्षार्थी सहभागी भएकोमा १२ सय ७४ जना मात्रै वकील बन्न सफल भएका छन् ।

कानूनमा स्नातक अध्ययन पूरा गरेका विद्यार्थीहरुले वकील बन्नका लागि नेपाल बार काउन्सिलको परीक्षा अनिवार्यरुपमा उत्तीर्ण गर्नुपर्ने हुन्छ ।

हेर्नुहोस् नतिजा

पछिल्लो समयमा कानून विषयको अध्ययनमा आकर्षण बढेसँगै बर्सेनि वकीलहरुको संख्या थपिँदै गएको छ । यसै सन्दर्भमा ०८२ को परीक्षाबाट १२ सय बढी नयाँ वकीलहरु थपिएका हुन् ।

नेपाल बार काउन्सिलले बुधबार जारी गरेको सूचनामा परीक्षा उत्तीर्ण भएकाहरुले अधिवक्ताको प्रमाणपत्र लिनका लागि १५ हजार ५ सय रुपैयाँ तिर्नुपर्ने भनिएको छ ।