बालविकास शिक्षकको नक्कली प्रमाणपत्र फेला, विशेष अदालतमा मुद्दा दायर

काठमाडौँ । कैलालीको जानकी गाउँपालिका-३ नयाँ लायकपुरस्थित श्री मुक्त कमैया बाल संरक्षण आधारभूत विद्यालयकी बालविकास शिक्षक नन्दा कुमारी शाहीले नक्कली शैक्षिक योग्यताको प्रमाणपत्र पेश गरी सरकारी जागिर, लाभ र सुविधा प्राप्त गरेको आरोपमा अख्तियार दुरुपयोग अनुसन्धान आयोगले विशेष अदालतमा आरोपपत्र दायर गरेको छ ।

आयोगका अनुसार शाहीले २०६६ मंसिर ३ गते माध्यमिक शिक्षा परिषद्, उत्तर प्रदेश, भारतबाट माध्यमिक तह उत्तीर्ण गरेको भनी नक्कली प्रमाणपत्र पेश गरी बालविकास शिक्षक पदमा नियुक्ति लिएकी थिइन् । उक्त नक्कली प्रमाणपत्रका आधारमा उनी लामो समयदेखि सरकारी ओहदा र सुविधा उपभोग गर्दै आएको अनुसन्धानले देखाएको आयाेगकाे दाबी छ।

याे पनि – शिक्षककै ‘सर्टिफिकेट’ नक्कली भेटिएपछि …

आयोगका प्रवक्ता सुरेश न्यौपानेले जारी गरेको प्रेस विज्ञप्ति अनुसार भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुरमा शाहीलाई कैद र जरिवाना गर्न मागदाबी गरिएको छ।

हेर्नुहोस् विज्ञप्ति –