जेनजी आन्दोलनसम्बन्धी मानव अधिकार आयोगको रिपोर्ट आज सार्वजनिक हुँदै

काठमाडौँ । गत भदौ २३ र २४ मा भएको जेनजी आन्दोलनसँग सम्बन्धित राष्ट्रिय मानव अधिकार आयोगले तयार पारेको रिपोर्ट (प्रतिवेदन) आज (बुधवार) सार्वजनिक हुने भएको छ ।

आजै प्रधानमन्त्री वालेन्द्र शाहलाई रिपोर्ट बुझाएपछि आयोगको वेबसाइटबाट रिपोर्ट सार्वजनिक गर्ने तयारी रहेको आयोग स्रोतले जस नेपाललाई जानकारी दियो ।

भदौ २४ को घटना र सेनाको भूमिकासमेत समेटेर तयार परिएको उक्त रिपोर्ट सार्वजनिक हुनुपर्ने माग हुँदै आएको छ । गत बैशाख २८ गते रिपोर्ट सार्वजनिक गर्न माग गर्दै ललितपुरको हरिहरभवनस्थित आयोगको कार्यालय नजिकै प्रदर्शन गर्ने १० जनालाई प्रहरीले नियन्त्रणमा लिएको थियो ।