स्वतन्त्र सांसद्‌ महावीर पुन पनि मन्त्री बन्दै

काठमाडौँ । स्वतन्त्र उम्मेदवारी दिएर म्याग्दीबाट निर्वाचित भएका प्रतिनिधि सभा सदस्य (सांसद्‌) महावीर पुन पनि बालेन्द्र शाह नेतृत्वको सरकारमा सहभागी हुने भएका छन्‌ ।

उनलाई प्रधानमन्त्री बालेन्द्र शाहले विज्ञान, प्रविधि तथा नवप्रवर्तन मन्त्री नियुक्त गर्न लागेका हुन्‌ । यसअघि सो मन्त्रालयको कार्यभार पनि शिक्षा तथा खेलकुदमन्त्री सस्मित पोखरेलले सम्हाल्दै आएका थिए ।

फागुन २१ मा भएको चुनावमा पुनलाई हाल सत्तारुढ राष्ट्रिय स्वतन्त्र पार्टी (रास्वपा) ले समर्थन गरेको थियो । उनको क्षेत्रमा रास्वपाले उम्मेदवारी नै फिर्ता लिएको थियो ।

यसअघि नीति तथा कार्यक्रम र वार्षिक बजेटमा सूचना प्रविधि एवम्‌ नवप्रवर्तनलाई प्राथमिकता नदिएको भन्दै पुनले सरकारको आलोचना गर्ने गरेका थिए । माग सम्बोधन गर्नुको साटो पुनलाई प्रधानमन्त्री शाहले माग पूरा गर्ने मन्त्रालयकै जिम्मेवारी दिन लागेका हुन्‌ ।

यसअघि विचौलियासँग साझेदारी गरेको र सम्पत्ति विवरण लुकाएको सार्वजनिक आलोचना भएपछि गृहमन्त्रीबाट हटेका सुदन गुरुङसँगै पुनले पनि आज दिउँसो ३ बजे राष्ट्रपतिबाट पद तथा गोपनीयताको शपथ लिन लागेका हुन्‌ ।