खण्डहर बन्यो सर्वोच्च अदालत

काठमाडौं । गत भदौ २३ र २४ गतेको जेनजी आन्दोलनको चपेटामा परेपछि देशको न्यायिक सर्वोच्च निकाय सर्वोच्च अदालत खण्डहरमा परिणत भएको छ। आइतबार स्थलगत रूपमा पुग्दा अदालतको भवनको बाहिरी संरचना बाहेक भित्री भाग पूरै जलेर नष्ट भएको देखिन्थ्यो।

अदालतभित्र रहेका महत्वपूर्ण कागजात, अभिलेख, पुस्तकालय, फर्निचर, फाइल र प्रविधियुक्त सामग्री सबै जलेर खरानी भएका छन्। भवनसँगै अदालत परिसरमा पार्क गरिएका सवारीसाधनहरू पनि पूर्ण रूपमा जलेर ध्वस्त भएका छन्।

आगोले न्यायिक गतिविधि नै अवरुद्ध पारेको छ भने कर्मचारीदेखि कानुन व्यवसायी र सेवाग्राहीसम्म स्तब्ध बनेका छन्। सरकार पक्षले क्षतिको विस्तृत विवरण संकलन भइरहेको बताएको छ भने सुरक्षाप्रहरीले घटनाको अनुसन्धान अघि बढाएको छ ।

सर्वोच्च अदालत देशको न्यायिक विश्वास र आशाको केन्द्र मानिँदै आएको संस्थान भएकाले यसमा भएको विध्वंसले राजनीतिक नेतृत्व, कानुन व्यवसायी र आम नागरिकलाई समेत ठूलो आघात पुर्‍याएको छ ।

भिडियो