ललितपुर बार एशोसिएशनकाे आयोजनामा ब्याडमिन्टन प्रतियोगिता हुँदै

ललितपुर । बार दिवसको अवसरमा ललितपुर बार एशोसिएशनले दोस्रो खुला महिला तथा पुरुष ब्याडमिन्टन प्रतियोगिता आयोजना गर्ने भएको छ ।

ललितपुर बार एशोसिएशनका सचिव छोनम मोक्तानका अनुसार प्रतियोगिता पुस ३ गतेदेखि ५ गतेसम्म सञ्चालन हुनेछ । प्रतियोगिता सुनाकोठी गाउँ सुधार समितिको ब्याडमिन्टन कोर्ट, सुनाकोठीमा आयोजना गरिने भएको हो ।

बारमा आबद्ध खेलाडीहरूले पुस २ गते दिउँसो २ बजेसम्म नाम दर्ता गराइ सक्नुपर्नेछ । प्रतियोगिताको खेल तालिका सोही दिन ललितपुर बारको हलमा अपराह्न ४ बजेपछि प्रकाशित गरिने बारले जनाएको छ ।

प्रतियोगितामा सहभागिताका लागि संस्थागत टिमको दर्ता शुल्क ५ हजार रुपैयाँ र व्यक्तिगत टिमको ३ हजार रुपैयाँ तोकिएको छ।