सर्वोच्चले शेरबहादुर देउवाको पक्षमा दिएन अन्तरिम आदेश

काठमाडौँ । नेपाली कांग्रेसका नेता शेरबहादुर देउवाले गगन थापालाई आधिकारिकता नदिनका लागि अन्तरिम आदेशको माग गरेकोमा सर्वोच्च अदालतले विपक्षीका नाममा कारण देखाऊ आदेश मात्रै जारी गरेको छ ।

मंगलबार सर्वोच्च अदालतका न्यायायाधीश सुनिल कुमार पोखरेलको एकल इजलासले देउवाको मागबजोजिम अन्तरिम आदेश जारी नगरेपछि गगन थापा पक्षलाई प्रतिनिधिसभाको उम्मेदवारी मनोनयनमा मार्ग प्रशस्त भएको छ ।

निर्वाचन आयोगले गगन थापा पक्षलाई आधिकारिकता दिएपछि उक्त निर्णय बदरको माग गर्दै शेरबहादुर देउवा पक्ष सर्वोच्च अदालत गएको थियो । तर, अदालतले मंगलबारको सुनुवाईमा देउवाको माग अनुसारको अन्तरिम आदेश जारी गरेन ।

तर, अदालतले देउवाको रिटमा विपक्षीका नाममा कारण देखाऊ आदेश जारी गर्नुका साथै यो रिटलाई अग्राधिकारको सूचीमा राखेर चाँडो सुनुवाई गर्ने आदेश दिएको छ ।