मधेशमा सरकार गठन असंवैधानिक भन्दै सर्वोच्चमा रिट

काठमाडौं । संविधानको धारा १६८ को उपधारा ३ अनुसार मधेश प्रदेशमा गरिएको सरकार गठनविरुद्ध सर्वोच्च अदालतमा रिट दायर गरिएको छ।

रक्कीप्रसाद साह र सुजित यादवले सोमबार दायर गरेको रिटमा मधेश प्रदेश प्रमुखको कार्यालय, मुख्यमन्त्रीको कार्यालय र प्रदेश सभालाई विपक्षी बनाइएको छ।

रिटमा संविधानको धारा १६८ को उपधारा २ अझै लागू रहँदा उपधारा ३ अनुसार प्रदेश प्रमुखले सरकार गठन गरेको कार्य असंवैधानिक भएको दाबी गरिएको छ।