कानून व्यवसायी परिषद्‌ले आयकर कानूनबारे तालिम चलाउने

काठमाडौँ । नेपाल कानून व्यवसायी परिषद् (नेपाल बार काउन्सिल) ले कानून आयकर कानूनबारे तालिम आयोजना गर्न लागेको छ। 

लयर्स एकेडेमी समितिको आयोजनामा `आयकर कानून र आयकर सम्बन्धी विवादको न्यायिक निरुपण (राजश्व प्रशासन र राजश्व संरचना सहित आयकर विवादमा कानून व्यवसायीले ध्यान दिनु पर्ने कुराहरू समेत)` विषयक एक दिने तालिम सञ्चालन हुन लागेको हो ।

यो तालिम २०८३ जेठ १४ गते बिहीबार बिहान ७:०० बजेदेखि ९:०० बजेसम्म नेपाल कानून व्यवसायी परिषद् भवन (कुपण्डोल, ललितपुर)मा हुनेछ । तालिममा ५० जनाको मात्र सहभागिता रहनेछ ।

इच्छुक कानून व्यवसायीले २०८३ जेठ १३ गते दिउँसो २:०० बजेभित्र रु. १,०००/- दर्ता शुल्क सहित नाम दर्ता गर्नुपर्नेछ । पहिले आवेदन दिएकालाई प्राथमिकतामा राखी नाम दर्ता गरिने परिषद्‌ले जनाएको छ ।

यसअघि २०८३ जेठ ६ गते नेपाल कानून व्यवसायी परिषद्, लयर्स एकेडेमी समितिको आयोजनामा `सम्पत्ति शुद्धीकरण सम्बन्धी मुद्दाको अनुसन्धान प्रक्रिया र चुनौतीहरू` विषयमा नेपाल प्रहरी अतिरिक्त महानिरीक्षक राजन अधिकारीले प्रशिक्षण दिएका थिए ।

हेर्नुहोस् सूचना-