जेठ १४ देखि १७ गतेसम्म अदालत बन्द, बन्दीप्रत्यक्षीकरणको मात्रै सुनुवाइ हुने

काठमाडौँ । जेठ १४ गते (विहीबार) देखि १७ गते आइतबारसम्म सर्वोच्च अदालत बन्द रहने भएको छ ।

अदालत बन्द रहे पनि बन्दीप्रत्यक्षीकरणको रिट सुनुवाई गर्ने प्रयोजनका लागि भने जेठ १४ र १५ गते बिहान ११ बजेदेखि दिउँसो ३ बजेसम्म सर्वोच्च अदालत (इजलास) खुल्ला रहने अदालत प्रशासनले विज्ञप्तिमार्फत् जनाएको छ ।

जेठ १४ गते बुधबार मुस्लिम धर्मावलम्बीहरुको महान् पर्व बकर इद परेको हुनाले अदालत बन्द रहने भएको छ । बकर इदको अवसरमा सरकारले सार्वजनिक विदा दिएको हुनाले अन्य सरकारी कार्यालयसमेत बन्द रहनेछ ।

जेठ १५ गते गणतन्त्र दिवस भएकाले सार्वजनिक विदा तोकिएको छ ।

जेठ १६ गते शनिबार र १७ गते आइतबार सरकारले तोकेको साप्ताहिक विदा परेकाले जेठ १८ गतेबाट मात्रै अदालत लगायतका सार्वजनिक कार्यालयहरु खुल्ने छन् ।